Бектеши: „Замрзнати маржи на основните прехранбени производи до крај на април“
![](/data/image/Bekteshi.jpg)
Мерката за замрзнување на маржите на основните прехранбени производи која требаше да заврши месецов, ќе биде продолжена до крај на април 2023 година, изјави на дененешната прес-конференција министерот за економија, Крешник Бектеши, на која го презентираше предлог - буџетот за Министерството.
„Благо поевтинување мислам дека веќе има...Маслото за јадење веќе не е 150-160 денари. Може масло за јадење да се најде и под 100 денари во одредени маркети, во зависност од производителот“, изјави Бектеши.
Бектеши нагласи дека за јануари се прават калкулации и со компаниите и со стопанските комори и, како што додаде, се очекува дополнително намалување на цените.
Листата на производи коишто ќе се оданочуваат со 10 проценти треба да ја изготви Министерството за финансии, а пред да се донесе од страна на Владата, ќе бидат консултирани стопанските комори и организациите за заштита на потрошувачите, а се во интерес на граѓан, рече Бектеши.Тој нагласи дека од Министерството за економија се вклучени целосно во овој процес и имаат свои претставници.
Статијата е прочитана 289 пати.