Инфо

Бензините поскапуваат за 1,5 денар, а дизелот за еден денар за литар

понеделник, 08 февруари 2021

Регулаторната комисија за енергетика од ноќеска на полноќ ги зголемува малопродажните цени на нафтените деривати, во просек за 2,76 отсто. Еуросупер БС-95 и Еуросупер БС-98 ќе поскапат за 1,5 денари за литар, а Еуродизел (Д-Е В) и Екстра-лесното масло за домаќинство за денар.

Тоа значи дека новата цена на Еуросупер БС-95 ќе изнесува 62,50 денари за литар, на Еуросупер БС-98 ќе биде 64,50 денари за литар, Еуродизел (Д-Е V) ќе се продава по 53 денари литар, додека Екстра-лесното масло (ЕЛ-1) ќе чини 42 денари за литар. Цената на мазутот М-1 НС се зголемува за 1,448 денари за килограм и тој ќе се продава за 32,884 денари за килограм.

Содржината е прочитана 37 пати.