Култура

Нова сезона на Францускиот кино - клуб

Со проекцијата на филмот „Човекот што сите го сакаа“ утревечер во Кинотеката на Македонија ќе започне новата сезона на Францускиот кино - клуб, соопшти Францускиот институт во Скопје.

четврток, 22 септември 2016

Со проекцијата на филмот „Човекот што сите го сакаа“ утревечер во Кинотеката на Македонија ќе започне новата сезона на Францускиот кино - клуб, соопшти Францускиот институт во Скопје.

Станува збор за филм на режисерот Андре Тешине снимен 2014 година според вистинска случка, во кој главните улоги ги толкуваат француската дива Катрин Денев, Гијом Кане и Адел Енел.

Тв1 Њуз за филмот ќе напише дека е „возбудлив од почеток до крај, не само по содржина, туку и по маестралната актерска игра“, а познатиот француски неделник за млади „Лезенрок“, пак, дека е „таинствено прекрасен“.

Филмот е со превод на македонски јазик, а проекцијата е во терминот од 20 часот.

(Преземено од МИА)

 

Содржината е прочитана 339 пати.