Бизнис вести

Намалена работата на македонските градежници во странство

Во периодот јануари-јуни годинава вкупната вредност на договорените градежни работи во странство изнесува 2.583.557.000 денари, што е за 21,7 проценти помалку во споредба со истиот период лани, објави денеска Државниот завод за статистика.

четврток, 25 август 2016

Во периодот јануари-јуни годинава вкупната вредност на договорените градежни работи во странство изнесува 2.583.557.000 денари, што е за 21,7 проценти помалку во споредба со истиот период лани, објави денеска Државниот завод за статистика.

Во првите пет месеци од годинава македонската градежна оператива во странство извршила градежни работи во вкупна вредност од 961. 396.000 денари што е за 11 проценти помалку во однос на истиот период од претходната година.
Според ДЗС, од јануари до јуни годинава е забележан зголемен обем на извршените градежни работи во Косово, Србија, Босна и Херцеговина и Германија додека на другите пазари е регистриран намален обем.

(Преземено од МИА)
 

Содржината е прочитана 277 пати.