Саем

Вицепремиерот Пешевски ќе го отвори „Саемот за вработување“

Вицепремиерот задолжен за економски прашања Владимир Пешевски денеска ќе се обрати на отворањето на „Саемот за вработување“, кој го организира Агенцијата за вработување на Република Македонија. 

четврток, 03 декември 2015

Вицепремиерот задолжен за економски прашања Владимир Пешевски денеска ќе се обрати на отворањето на „Саемот за вработување“, кој го организира Агенцијата за вработување на Република Македонија.

Повеќе од 80 компании на Саемот за вработување во Скопје ќе понудат многу нови можности за вработување на невработените, а воедно и за активните баратели на нови работни позиции.

На Саемот ќе бидат застапени компании од различни категории, се со цел овозможување богата понуда за што поголем број профили и струки.

На отворањето на Саемот најавено е присуство на директорот на Агенцијата за Вработување на РМ, Влатко Поповски.

Саемите за вработување 2015, до сега посетија седум градови низ Македонија. По примерот на светските трендови, со Саемите за вработување им се дава можност на сите невработени луѓе од нашата држава, особено на младите, да дознаат што точно се бара на пазарот на труд и можност да остварат близок контакт со компаниите кои нудат работа и да аплицираат со свое CV за посакуваната работна позиција. Невработените граѓани на секој саем имаат можност да остварат контакт лице во лице со сите претставници од најголемите работодавци во нашата држава кои ќе понудат работа и да ги дознаат сите потребни информации кои ќе им помогнат во вработувањето и создавањето на кариера.

(Преземено од МИА)
 

Содржината е прочитана 546 пати.