Бизнис вести

Најавена соработка на „ Samsung “ и LG

Економските аналитичари проценуваат дека овој деловен договор меѓу двете компании би можел да вреди околу 850 милиони долари

понеделник, 13 јули 2020

Јужнокорејскиот конгломерат „Самсунг Електроникс“ („Samsung“) започна преговори со конкурентската компанија „Ел-Џи“ (LG) за набавка на ЛЦД ТВ екраните среде најавената транзиција кон производство на нова генерација квантни екрани (QDD), јави агенцијата „Јонхап“.

Оваа најава за можна соработка доаѓа откако „Самсунг“ објави дека ќе го запре производството на ЛЦД-екраните од 2021 година и ќе започне со производство и инсталирање на QDD-екрани на своите телевизори.

Економските аналитичари проценуваат дека овој деловен договор меѓу „Самсунг“ и „Ел-Џи“ би можел да вреди околу 850 милиони долари.

Иако овие две компании се конкурентни на светскиот пазар, претходното искуство покажа дека тие можат успешно да соработуваат бидејќи во 2017 година „Самсунг“ купи 65 и 75-инчни екрани од компанијата „Ел-Џи“.

Пренесено од МИА

 

Содржината е прочитана 131 пати.