МАКЕДОНИЈА

И Владата не е задоволна од законот за зелени пазари, подготвува нов

Пазарџиите согласно постојното законско решение од јануари треба да поседуваат лиценца за работа која ја обезбедува едно здружение, а со новото, лиценците ќе ги издаваат сите стопански комори

вторник, 22 октомври 2019

Се подготвува ново законско решение за работењето на пазарите. Владата, односно Министерството за економија работи на решение заедно со претставници на сите стопански комори.

Ова го најави министерот за економија, Крешник Бектеши денеска на прес-конференција одговорајќи на новинарско прашање.

Според него, се одложува законското решение донесено пред една година.

„Тоа нема да опстои како решение предложено пред една година. Во меѓувреме разговараме со сите засегнати страни за да најдеме решение“, изјави Бектеши, додавајќи дека остануваат на предлогот пазарџиите да поседуваат лиценца за работа.

Пазарџиите согласно постојното законско решение од јануари треба да поседуваат лиценца за работа која ја обезбедува едно здружение, а со новото, како што се најавува, лиценците ќе ги издаваат сите стопански комори.

Вчера од Групацијата на постапувачи со пазарите при Стопанската комора побараа да се укине Законот за тргување на зелените пазари кој требаше да стартува од јануари следната година.

Пренесено од МИА
 

Содржината е прочитана 93 пати.