Саем

Отворен десеттиот Саем на книгата во Кочани

Во библиотеката „Искра“ во Кочани од денеска до 19 ноември се одржува 10. Саем на книгата, кој по традиција го организира кочанската библиотека во рамки на Месецот на книгата 2015. 

петок, 13 ноември 2015

Во библиотеката „Искра“ во Кочани од денеска до 19 ноември се одржува 10. Саем на книгата, кој по традиција го организира кочанската библиотека во рамки на Месецот на книгата 2015.

- Годинава одбележуваме мал јубилеј, десет години континуирано организирање на саемот на книгата, на кој интерес за излагање на свои изданија пројавија 14 издавачки куќи од Македонија, кои нудат богата продукција од секаков вид на литература. На саемот во Кочани се изложени 4.000 книги за продажба или поточно 950 наслови на книги, истакна на отворањето на саемот Сузана Горгиева, директор на кочанската библиотека.

Саемот за отворен го прогласи Петар Апостолов во име на Општина Кочани, која целосно ги поддржува ваквиот вид манифестации на библиотеката „Искра“.

На првиот саемски ден се забележува голем интерес од читателите за најновите белетристички и енцикллопедиски изданија.

(Преземено од МИА)
 

Содржината е прочитана 648 пати.