Бизнис вести

Се зајакнува контролата на енергетските компании

Тоа значи дека какво било прекршување од страна на учесниците на пазарите, оваа веб апликација ќе ни овозможи брза реакција со цел да оневозможиме антимонополско функционирање на овие лиценцирани компании, истакна Бислимовски на денешната прес-конференција

четврток, 06 јуни 2019

Компаниите од енергетскиот сектор кои имаат лиценци издадени од Регулаторната комисија за енергетика ќе доставуваат податоци на месечно ниво до регулаторот.

Податоците, како што денеска изјави претседателот на РКЕ, Марко Бислимовски, ќе се доставуваат на посебна веб апликација изработена во соработка со Електротехничкиот факултет во Скопје.

„На овој начин ќе добиваме редовно податоци од компаниите што ќе користат за следење на активностите на сите компании што имаат лиценци и ќе ни овозможат веднаш да реагираме при воочување на какви било неправилности во однос на функционирањето на пазарите. Тоа значи дека при какво било прекршување од страна на учесниците на пазарите, оваа веб апликација ќе ни овозможи брза реакција со цел да оневозможиме антимонополско
функционирање на овие лиценцирани компании“, истакна Бислимовски на денешната прес-конференција.

РКЕ очекува и помош од Франција во делот мониторирањето на пазарите на електрична енергија и природен гас.

Како што информира Бислимоски изминатиот период е остварена посета на Француското регулаторно тело со кое е договорена понатамошна посета, а следната година се очекува нивни претставници да ја посетат нашата држава.

Пренесено од МИА

 

Содржината е прочитана 84 пати.