Бизнис вести

Финален регионален бизнис натпревар во Скопје во рамки на Македонија2025

По финалните презентации на натпреварот, којшто е поддржан од Фондот на Западен Балкан, на настанот ќе биде прогласен првиот регионален победник на натпреварот

четврток, 01 ноември 2018

Победниците на проектот „ЛИДЕР“ од Србија, Македонија и од Босна и Херцеговина, по заедничките натпревари во Белград и Сараево, по трет пат ќе се соочат во Скопје. Тие ќе ги презентираат своите бизнис идеи пред меѓународно жири на Финалниот регионален бизнис натпревар, што со поддршка од Фондот на Западен Балкан ќе се одржи на 7 ноември во хотел „Мериот“ (АБЦ), од 13 до 15 часот, во склоп на Самитот Македонија2025.

„Со нетпрение очекуваме да ги видиме презентациите на осумте финалисти, со што би го прогласиле регионалниот победник на натпреварот. Сметаме дека преку поддршката од Фондот на Западен Балкан, навистина се зајакна регионалната присутност на самиот проект ’ЛИДЕР’, што, секако, помогна во зголемувањето на соработката меѓу претприемачите од трите земји“, велат претставниците на трите инволвирани организации CANSEE (Canadian Serbian Business Association), Macedonia2025 и Restart.

На почетокот на натпреварот ќе се обратат: Антоанета Иванова - координатор на проектот и координатор за комуникации во WBF, Џон И. Битов Помладиот - претседател и извршен директор на „Обелиск“ и Билјана Марковиќ- Стаменова - извршен директор на Македонија2025. Дел од жирито ќе бидат и реномирани меѓународни бизнис професионалци од македонско потекло.

Овој регионален натпревар за презентирање на бизнис идеи е овозможен благодарение на проектот „Зајакнување на меѓународната соработка и врски во Западен Балкан преку контакт на млади претприемачи“, финансиран од Фондот за Западен Балкан, кој е основан со цел да се финансираат мали и средни проекти од областа на образованието, одржливиот развој и човековите права во земјите од Западен Балкан.
 

Содржината е прочитана 29 пати.