Култура

Успешен настап на обоистот Васил Атанасов во Италија

Македонскиот обоист Васил Атанасов во пијано придружба на Тодор Светиев на 10 октомври одржа целовечерен концерт во Косенца, Италија, на покана на реномираниот меѓународен фестивал „Cosenza 2015″.

четврток, 15 октомври 2015

Македонскиот обоист Васил Атанасов во пијано придружба на Тодор Светиев на 10 октомври одржа целовечерен концерт во Косенца, Италија, на покана на реномираниот меѓународен фестивал „Cosenza 2015″.

- Нашиот настап предизвика голем интерес кај публиката во преполната сала во „Мuseo civico dei bretti e degli enotri“. Долготрајните аплаузи од прекрасната публика беа одраз на нашите извонредни изведби. Настапивме и на бис на барање на публиката, истакна Атанасов.

На програмата беа изведени дела од Шуман, Сен Санс, Асафиев, Колин, како и дело од истакнатиот македонскиот композитор С.Стојков.

Проф. Васил Атанасов, врвен уметник, педагог, солист на Македонската филхармонија, основач и уметнички раководител на Камерниот оркестар Скопски солисти, на Скопскиот дувачки квинтет, Трио Атанасов, Трио Мацедонико,… е добитник на голем број награди и признанија. Настапувал во Италија, Шведска, Франција, Русија, Грција, Австралија, Германија, Мексико, Бугарија, Романија, Турција, САД, Северен Кипар, Јужна Кореја, Виетнам, Португалија, Албанија, Србија, Словенија, Хрватска, Босна и Херцеговина, Црна Гора, Косово.


(Преземено од МИА) 

Содржината е прочитана 462 пати.