Инфо

Тевдовски на Eurofi: Визија за интеграција на пазарите за капитал во регионот

Министерот за финансии говореше на панелот „Развивање на регионален финансиски пазар за Југоисточна Европа“, каде панелисти беа и министрите за финансии на Бугарија, Луксембург, Италија, Литванија, Грција и Белгија. Македонија за прв пат учествува на оваа коференција организирана во рамки на претседавањето на Бугарија со Советот на Европа

четврток, 26 април 2018

Министерот за финансии, Драган Тевдовски ја сподели визијата за интегриран пазар на капитал во регонот, во своето обраќање на конференцијата EuroFi 2018 на која тој говореше на панелот „Развивање на регионален финансиски пазар за Југоисточна Европа“.

Во насока на реализирање на визијата за интегриран пазар на капитал е и создавањето на SEE Link платформата за тргување, односно, регионалната берза, каде се очекува вклучување на уште две земји од регионот.

Што се однесува за Македонија, министерот Тевдовски истакна дека издавањето нови инструменти, како 30-годишната обврзница, придонесуваат за раздвижување на пазарот на капитал.

Тевдовски спомна и дека во Министерството за финансии се подготвуваат нови закони за хартии од вредност, со кои целосно се усогласуваме со законодавството на Европската унија.

Важен чекор за развој на пазарот на капитал е и формирањето на Советот за развој на пазарот на капитал. Министерот Тевдовски претседава со овој Совет, во кој членуваат претставници на финансиските институции во земјата.

Македонија за прв пат учествува на оваа коференција организирана во рамки на претседавањето на Бугарија со Советот на Европа. На конференцијата учествуваа и министри за финансии на земјите од ЕУ, членови на Европската Комисија, гувернери на централни банки, претставници на меѓународни финансиски организации и претставници од финансискиот сектор.

Покрај Тевдовски, панелисти на конференцијата се и министрите за финансии на Бугарија, Луксембург, Италија, Литванија, Грција и Белгија.

Пренесено од МИА

 

Содржината е прочитана 58 пати.