Инфо

Фити: Оставрлив е економски раст од 3,2 отсто

Многу е важно како ќе се држи извозот, кај извозот имаме квалитативни подобрувања, поместувања, благодарение на странските инвестиции во зоните, вели претседателот на МАНУ

среда, 18 април 2018

Остварлива е стапката на економскиот раст на земјава од 3,2 отсто за оваа година, иако ММФ и Светска банка деновиве излегоа со проекција дека годинава економскиот раст ќе биде 2,8 отсто, смета претседателот на МАНУ, Таки Фити, кој денеска на штипскиот универзитет „Гоце Делчев“ присуствуваше на промоцијата на книгата „Патеките на транзицијата“: емпириска анализа на македонската и бугарската економија, работена како меѓународен проект меѓу МАНУ и БАН.

Фити вели дека по надминување на политичката криза полека почнале да растат инвестициите и личната потрошувачка.

„Многу е важно како ќе се држи извозот, кај извозот имаме квалитативни подобрувања, поместувања, благодарение на странските инвестиции во зоните. Значи, оваа стапка е остварлива. Инаку, Македонија не оваа година, туку 2019 година и натаму мора да направи се да постои стапки на раст меѓу 4,5 и 5 отсто. Тоа е потенцијалот на македонската економија, ако сакаме да одиме напред“, рече Фити.

Преземено од МИА
 

Содржината е прочитана 65 пати.