Бизнис вести

Поддршка за компаниите да се вклучат во локалниот економски развој

Министерството за економија и УСАИД потпишаа Меморандум за соработка со кој се овозможува во активностите, за кои с еодвоени 500.000 долари да се вклучи приватниот сектор

петок, 23 февруари 2018

Соработка за создавање подобри услови кои ќе овозможат вклучување на компаниите во локалниот економски развој, најавија денеска претставници на Проектот на УСАИД за развој на деловниот екосистем и Министерството за економија.

Потпишан е меморандум за соработка со кој се овозможува во активностите, за кои се одвоени 500.000 долари да се вклучи приватниот сектор.

Со грантови и техничка поддршка треба да се овозможат услуги за микро, мали и средни претпријатија (ММСП) и стартапите за да одговорат на најголемите пречки за раст - зголемување на продуктивноста и отворање нови работни мста преку воведување нови технологии, иновации, стандарди и деловни практики, како и да се олесни нивното поврзување со нови клиенти и пазари и да се подобрат техничките и деловни вештини. Воедно ќе се помага пристапот до финансии за претпријатијата и ќе се поттикнуваат инвестиции на фирмите во развој на работната сила и синџирите на снабдување.

Брок Бирман, заменик раководител на Бирото на УСАИД за Европа и Азија порача дека приватниот сектор ќе биде главен двигател во натамошниот развој на државата.

„Со проектот за развој на деловниот екосистем и воспоставеното партнерство со деловниот сектор се заменува традициналниот модел на развој на помош со пристап кој го препознава и искористува потенцијалот на македонскиот приватен сектор за движење на развојот преку создавање работни места, економски раст и корпоративна општествена одговорност“, рече Бирман.

Според министерот за економија, Крешник Бектеши, целта е да се обезбеди поддршка на конкурентноста на микро, малите и средните претпријатија во Македонија преку зајакнување на деловните услови, финансии и пазарни врски за да се зголеми растот, продуктивноста и вработувањето во бизнис секторот.

„Ќе се помогне вклучувањето на микро, малите и средните претпријатија во синџирите на снабдување, заедничкиот развој на работата сила и развојот на услуги. Сето тоа ќе има влијание врз регионалниот реазвој и ќе овозможи поттикнување на локалниот економски развој надвор од главниот град, со што се придонесува развој на локалниот бизнис екосистем“, рече Бектеши.

Проектот за развој на деловниот екосистем, за кој се одвоени 6,2 милиони долари, за четири години, меѓу останатото треба да помогне да се креираат 5.750 нови работни места.

Преземено од МИА
 

Содржината е прочитана 211 пати.