Култура

Фестивалот „Браќа Манаки“ во списанието „British cinematographer“

Менаџерскиот тим на Интернационалниот фестивал на филмска камера „Браќа Манаки“ соопшти дека во најновиот број на влијателното списание „British cinematographer“ е објавен посебен прилог посветен на Фестивалот на филмската камера што се одржува во Македонија.

понеделник, 19 декември 2016

Менаџерскиот тим на Интернационалниот фестивал на филмска камера „Браќа Манаки“ соопшти дека во најновиот број на влијателното списание „British cinematographer“ е објавен посебен прилог посветен на Фестивалот на филмската камера што се одржува во Македонија.

Од ИФФК „Браќа Манаки“ посочуваат дека публикуван е текст во кој новоизбраниот претседател на Меѓународната федерација на кинематографери Рене Рестад со пофални зборови говори за организацијата на фестивалот во Битола, како и за организацијата на Конгресот на ИМАГО што се одржа во овој град.

- Македонското друштвото на филмски професионалци, како домаќин на ИМАГО, ни овозможи и пријатен престој и ефикасни средби. Македонија, градот Битола и филмскиот фестивал „Манаки“ е место со топло срце и одлично организиран фестивал и членовите на ИМАГО ќе го имаат тоа на ум и ќе го промовираат, пишува Рестад, претседател на ИМАГО.

(Преземено од МИА)
 

Содржината е прочитана 330 пати.